Zutarri Taberna proiektua euskaraz eta kulturaz gozatzeko txokoa da. Basauri eta inguruan hauekin harremana duten jarduerak gauzatzea neketsua dela antzemateak gogoetara eraman gintuen. Ondorioz, gure asmo gorena horixe da; aisialdi uneetan (lagunekin tragotan, gosaldu edo geldialditxo bat egiterakoan) kultura eta euskara sustatzea eta zerikusia duten hainbat ekintza posible egitea.
Gure proiektuaren zutarria Euskal Herriko kultura bermatzea bada ere, gure lurretatik haratago dauden beste gizarte ezberdinenak ere ezagutu eta gerturatzea da gure helburua, aniztasuna bultzatuz, ezberdina dena ezagutuz, herria eta herri kultura aberastuz.Horretarako, gure espazio egokituak hainbat aukera eskeintzen dizkigu; Musika, bideo-forumak, erakusketak, monologoak, hitzaldiak… egiteko espazio aproposa da.
Zutarri Tabernan ez da jarrera sexista, arrazizta, homofobo ez inolako indarkeriarik onartzen. Errespetuan oinarrituriko txoko zabala da, guztion artean sortu eta hazteko pentsatua. Beraz, proposatzeko jarduerarik baduzu eguna libre dagoen agendan begiratu eta jarri zaitez gurekin harremanetan, pozik entzungo zaitugu eta!!
Basque
Arabic
Catalan
English
Galician
Irish
Spanish